Meeris

Qamaan ayaa in muddo ah aamusay oo hadal laga waayey isagoo ka xun haweenaydiisii oo isaga oo aan dhiman furina lagu sheegay inay reerkoodii i nin kale ku dareen. Haweeneydaa waxaa la odhan jiray Barni. Waxay marka nimankii ilma adeeradii ahaa weydiiyeen Qamaanoow maxaad u aamustay? Wuxuu ku jawaabay tixdan oo ka mid ah gabayadii uu u tiriyey Barni.

• Lix hal maansadaan tirin lahaa, yaan isaga meershay

• Mufti culimo sheekh lagu mintido, oo xaq kala miira

• Oo jeer dhawayd magac lahaa, amase maamuus

• Masala gaabka maagan ee qarsoon, yaan isaga meershay

• Anoon mariintideedii dacniyin, meel fogna aan joogin

• Naag meher qabtaa waa mubaax, macallinkii keenay

• Dadka maatidaa u kala jirtay oon, muran ka oognayne

• Haddiise haatan lays kaga maljaday, murug adduunkiiye

• Muslinoow bal arag xaajadaa, laysku malaq siiyey

• Maadhiinka buuxa iyo intay, midigtu laabmayso

• Haddaan midhaha Reer Magan Warfaa, magacu duugoobin

• Rabbi boow markhaati ah inay, miir la dhici doone

Fadlan nala soo socodsii haddii aad og tahay meel laga heli karo gabaygan oo dhan.