Hal Gabay

Soomaalidii hore haddii ay geel soo qaadaan ninka gabayaaga ah sadka iyo sahmiga uu geela ka helo ee uu ula siman yahay ragga kale waxaa u dheeraa oo lagu maamuusi jiray hal, hal-gabay la yidhaahdo. Geelii Indha Badane ee Ogaadeenku ka dhacay Isaaq ayuu Maxamuud ka calaamadsaday hal-gabay Isagoo tilmaamaha hal-gabayda uu qaadan doono qeexaya waa kii lahaa:

• Hashaan geela ka qaadan

• Ee tolkay ii qaban doono

• Tilmaanteeda aan qeexo

• Qamiis ma aha madow

• Qamiir ma aha guduudan

• Qarjaf ma aha cag weyn ah

• Qonjar ma aha cayuun ah

• Qayax ma aha caddiin ah

• Qumud goodir la moodo

• Qoran oo kala jiidan

• Oo qadow laaca taqaana

• Qulqul aan ash ahayniyo

• Baarkaa gees u qallooca

• Waagay qaalin ahayd bay

• Nirig qoor jabanaysay

• Qaayibbaa la yidhaa

• Afar qoone wadaag iyo

• Qardhaas bay u xidheen

• Qoodhadhkaa kala jeedda

• Qaskii baysku wareegay

• Kii qooraanso yidhaahdaba

• Qosol buu u dhacaayoo

• Cadaabtay noo qariyaan.

Ma dhamaystirna geeraarku.