Guraase Xaaji Cali

Ugaasoow toban xaaloo

Ta’da looxa ku taalloon

Laga toosi karaynin

Bal ma kuu tiriyaa

Tawfiiq Ciise-madoobiyo

Talyankii Faranjaa leh

Teendho reer Berberaad iyo

Turkigii xukumaa leh

Tuhun shuunka Axmaariyo

Nin la soo tashadaa leh

Talo waa Boqor baa leh

Asagoo malab tuukhsan buu

Macaluul mid la taagan

Tiigsin dheer la dhacaa

Kolkaasuu turtuqaa

Nin maroodi taxaabay

Oo abees tunka saartay

Inuu aayar taxaasho

Taana wayna ahaanin

Torog dheer ninka fuulayee

Laba tiirri afeystay

Oo tuur bannaan cido geystay

Oo timaha Reer Dalal sheegtay

Isla taakulin mooyeen

Anaa kuu talinaaya

Taana wayna ahaanin

Tolkii aynu naqaannay

Ogaadeen taladiisa

Taan idhaahdo uun mooyeen

Tu kaleeto ma joogto

Taana wayna ahaanin