Maxamed Aadan Caws (Yawle)

The largest online collection of Somali poetry

• Irdhaa galay raggii Weerarow, idinku oodnaaye

• Afartaa garyahan bay qabteen, sida ugaadheede

• Abtirsiinyadii geedka iyo, anafadii joogtey

• U adkeysan meynaa la yidhi, aabbe yuu dhalaye

• Laba Muuse ubaxii cuntoo, aaran baa hadhaye

• Haddaan abaar lagu salidin, kama imaadeene

• Udubkayga kama soo rareen, Eexo iyo Cayne

• Agoonta ooma keeneen raggii, aabbahood dilaye

• Isaxaaq wuxuu ununufaa, uur-ku-taallade

• Bal eegoo afmeer bay galbeed, uga arooraane

• Markay idin arkaan geelashaa, uubka loo ridiye

• Awal raace MuuseCabdallana, odayadoodiiye

• Waa aawadiin waxa ku furey, Awdal iyo Sheekhe

• Hadduu gu’gu Aboorrey ka da’o, ma arki doontaane

• Bah-dhulbahante ubaxaa ka badan, eedda loo dhimaye

• Inta ooryahoodi laga qaaday baan, la ashqaraaraaye

• Maxaa inan adhxaha lagaga jabay, aabi lagu toogtay

• Waxay Ededan ugu meerayaan, amase Oodweyne

• Allaa igu oge kuma aaminsana, laba ayaamoode

• Ayaan kaliya waa tii Gunbuur, oodda loo rogaye

• Axmaarana sidaa Reer Cigaal, uma ataakteene

• Nimankii ajalay baad tihiin, Aw-Cabdiyo Nuure

• Illaa ay dhawaan urursadeen, awr ma soo tu’ine

• Afgubato sidii Reer Xuseen, loogu wada aasay

• Indhahay ka meermeeriyaan, urur aad joogtaane

• Hadduu inan ka hadho iga walleyn, idin illaaweyne

• Ugaadh Cumar sidey uga qaxeen, awrta Reer Sugulle

• Ergo laguma siin geelashaad wada afuufteene

• Waxay unufka ugu meerayaan, uur ku taallada e

• Iddaraysna waa kuwaa, sikaday ugubadoodiiye

• Abokor iyo Rooble waad, ku adyadooteene

• Bal maxay u aaneynayeen, odaygi Ceel Beyle

• Afka Boqorle iyo Tuuyo iyo, idhamadaa Baarcad

• Sidi adhi tadcaareed raggii, laguu idleynaayey

• Iman meyso Habar-yoonistaad, u alwaneysaane

• Ooho kuma xasilo geel haddii, aar u soo dhaco e

• Arrinkaad waddaan Reer Xirsow, aayatiin ma lehe

• Eebada shisheeyuhuba, way idin asqaysiine

• Iman mayso Habar-Yoonistaad, u alwanaysaane

• Ammaana Alla waydiin bannaan, labada oofoode