Afhayeen

Nin aanaan magaciisa weli helin laakiin aanu hubinay inuu afhayeen u ahaa boqortooyadii Ogaadeenka ee saldhigeedu ahaa Doollo iyo Ciid ayaa gabaygan u tiriyey Isaaq isagoo ku cambaaraynaya inay gumaysigii Ingiriiska dalkii kusoo dhaweeyeen gaashaanna u noqdeen. Wuxuu gabaygu ku aadan yahay billowgii ee qarnigii 20aad. Isagoo Wardheer jooga ayuu wuxuu ninkaasi yidhi:

• Taariikhda duugga ah markaan dib uga faaloono
• Diiwaanka waxa kuugu yaal waa Dir baa nahaye
• Maantana Durriyad baan nahaad nagula doodeene

• Hadba inaad dad noo sheegataan waa dayuusnimo e
• Adoo aabahaa diidan baad dooni ruux kale e
• Duqii idin dhalay baad meel cidla ah kaga dareerteene
• …

• Waa dagalaydaydii wuxuu gaalku soo dagaye
• Adiguna dillaal baad ahayd daa’in abidkaaye
• Dooxada Hargaysiyo Burcaba waa anigii degaye

• Damaashaadka waataan ku maray labada daamoode
• Daqsi iyo siddii koronkoro unbaad darayga tiileene
• Dubaaxda iyo ammaankiyo mudkiyo daribta geeliina
• Dugaaga iyo haadkii cunaa noo ducayn jiraye

• Daadxoorta waa tii lafuhu dibada yaalaane
• Lafa-ruug dabkaan kugu shidiyo digadii baa taale
• Deyr adag intii loo dhigaan doonay kii hadhaye
• Sango duubi weyn iyo darmaan orodka sii daysa
• Dabra celinta waatay farduhu idin dul joogeene

• Idinkoon dagaal hidin karayn dumarna aan dhaamin
• Waa tay Dabacayuunow lahayd maygu dirirtaane
• Duqaydiinu way wada ogtahay dibirtii Maal-gooye

• Indha-badane dool laguma helin daaqsin iyo ceele
• Duq iyo doonba waw wada dhanaa doxorka Iidoore
• Allaaba waa dagaal aad gashiyo dirir is qaankeede
• Danaakiriyo Ciisaad baqihii dacal ku dhaafteene

• Dibna looma arag xoolo aad dibad ku raacdeene
• Waa taad durduradii badweyn doon ku gudubteene
• Indha-badan Abti-badan raggii kugu dirqiyey baad u duurxuliye
• Iidoor dulliga gaadhay iyo dakharadaan gaystay
• Waa waxay adhxaha daacsaniyo dari la yeesheene

• Dabar iyo hoggaaniyo anoo dacayba kuu yeelay
• Oo duudka kaa raranhayuu gaalku soo dagaye

• Dagdaglihiyo anigaa ku baday duud-xamaalkaba e

• Markaan diinka dhawray iyo sharciga iyo daliilkooda

• Danbigii markii aan nacay een iskaba daayey
• Dillaalkii iyo malaalkii markii dabadu kuu naaxday
• Dibjirkii iyo miskiinkii markuu daaro wada yeeshay
• Dumar baa ilowshaha yaqaan daalka soo mara e
• Inaad aniga igu doobidaa dawba ma ahayne